ताप्लेजुङमा पहिरोमा पुरिएर चार जना बेपत्ता

काठमाडौं । ताप्लेजुङमा पहिरोमा पुरिएर एकै परिवारका तीन जनासहित चार जना बेपत्ता भएका छन् । गएरातिको पहिरोमा पुरिएर सिदिङ्वा गाउँपालिका-६ मेहेलेमा यादव बुढाथोकी, उनकी श्रीमती भागीमाया, बुहारी सन्ध्या, नाती प्रज्ज्वल र गणेश तामाङ बेपत्ता भएका हुन् ।

बेपत्ता भएका चारै जनाको खोजीकार्य जारी रहेको जिल्ला प्रहरी कार्यालय ताप्लेजुङले जानकारी दिएको छ ।

यस्तै, मेहेलेका राजकुमार गौतमको एउटा घर बगेको छ भने अर्को घर जोखिममा छ । यस्तै देउकुमार लिङ्देन र गुमान राईको घर जोखिममा परेको छ भने मेहेले स्वास्थ्यचौकीको भवन पूर्णरूपमा पहिराले बगाएको छ । अहिले पनि निरन्तर वर्षा भइरहेको बताइएको छ ।

गएराति अविरल वर्षासँगै आएको बाढीले दोभान, ढुंगे साँघु लगायतका क्षेत्रमा कटान भएकोप्रारम्भिक विवरण प्रप्त भएको प्रहरीले जनाएको छ। प्रहरीका अनुसार क्षतिको पूर्ण विवरण संकलनको काम भईरहेको छ ।