५ डीआईजी एआईजी बढुवा सिफारिस, वरिष्ठतालाई उल्लंघन गरिएन्

काठमाडौँ। गृहमन्त्रालयले लामो समयदेखि रिक्त एआईजी पदमा बढुवाका लागि ५ डीआईजीको नाम सिफारिश गरेको छ ।

उक्त रिक्त पदमा बढुवा गर्न निर्वाचन आयोगले अनुमति दिएसँगै गृहमन्त्रालयले डीआईजीहरू क्रमश: वसन्तबहादुर कुँवर, टेकप्रसाद राई, दीपक थापा, श्यामलाल ज्ञवाली र किरण बज्राचार्यको नाम सिफारिश गरेको हो

राष्ट्रपति र उपराष्ट्रपतिको निर्वाचन आचारसंहिताका कारण गृह मन्त्रालयले आयोगसगँ अनुमति मागेको थियो । सोही अनुसार हिजो बिहिबार आयोगबाट बढुवा सिफारिस गर्न अनुमति आएको गृह मन्त्रालयले जनाएको छ ।

यससँगै भावी आईजीपीको लाइनमा वसन्तकुँवर सबैभन्दा अग्रसर देखिएका छन् । यसैगरी प्रहरीमा ५ वटा प्रहरी अतिरिक्त महानिरिक्षक (एआईजी) पद रिक्त छ । गत फागुन ७ बाट एआईजी पुजा सिंहले अवकाश पाएपछि रिक्त एआईजीको दरबन्दी ५ पुगेको हो । आयोगको सहमति सँगै गृह मन्त्रालयले रिक्त पदमा बढुवाको तयारी थालेको हो ।