पुर्व अर्थमन्त्री शर्मा प्रकरण : छानबिन समितिले माग्यो सिंहदरबारको सीसीटीभी फुटेज

काठमाडौं । पूर्वअर्थमन्त्री जनार्दन शर्माको छानबिन पेचिलो बन्दै गएको छ । आज बसेको छानबिन समिति बैठकले बजेट निर्माणको अघिल्लो रात सिंहदरबारमा को आएका हुन् भन्ने प्रमाण जुटाउनका लागि दक्षिण र पश्चिम गेटको सीसीटीभी फुटेज मगाउने भएको छ ।

छनबिन समितिका सदस्यसचिव सुरेन्द्र अर्यालले आज समितिका सदस्यहरूले सिंहदरबारको दक्षिण र पश्चिम गेटको सीसीटीभी फुटेज मगाउने निर्णय भएको बताए ।

अर्थमन्त्रालयले मन्त्रालयको फुटेज १३ दिनभन्दा धेरै नरहने भनेपछि संसदमा नै अर्थमन्त्रीको राजीनामा मागिएको थियो । शर्माले राजीनामा दिएर समितिलाई आएर बयान समेत दिइसकेका छन् ।

अर्थमन्त्रालयभन्दा गेटमा लामो समय फुटेज रहने भएकाले नै समिति फुटेज मगाएको स्रोतले बतयो ।