१२ लाख १४ हजारसहित साउदीअरब उड्न लागेका मगर पक्राउ

काठमाडौं । त्रिभुवन अन्तर्राष्ट्रिय विमानस्थलबाट साउदी रियाल (१२ लाख १४ हजार रुपैयाँ) सहित साउदी अरब जान लागेका एक जनालाई प्रहरीले नियन्त्रणमा लिएको छ ।

शनिबार अन्दाजी १९.५५ बजे हिमालय एयरलाइन्सको उडान नं. एच–९०७६५ द्वारा काठमाडौंबाट दुबई जान लागेका पाल्पा रामपुर १० का समीररबहादुर मगरलाई नियन्त्रणमा लिएको त्रिभुवन अन्तर्राष्ट्रिय विमानस्थल प्रहरी कार्यालयका प्रवक्ता राजकुमार सिलवालले जारी गरेको विज्ञप्तिमा उल्लेख छ ।

विमानस्थलको प्रस्थान होल्ड ब्यागेज चेकिङ एरियामा मगरको शरीर खानतलासी गर्ने क्रममा उनले उल्लेखित बिदेशी मुद्रा बाह्य मुलुकतर्फ लैजान लागेको अवस्थामा फेला पारिएको हुँदा आवश्यक अनुसन्धान एवं कानूनी कारबाहीका लागि राजस्व अनुसन्धान विभाग, हरिहरभवन पुल्चोक, ललितपुर पठाइएको विज्ञप्तिमा उल्लेख छ ।