सभापति पदबाट राजीनामा दिने निष्कर्षमा गगन थापा, अहिल्यै नहतारिन विश्वप्रकाशको आग्रह

काठमाडौं । प्रतिनिधिसभाको निर्वाचनमा लज्जास्पद हारपछि नेपाली कांग्रेसका सभापति गगनकुमार थापाले पार्टीको निर्वाचन पराजयको नैतिक जिम्मेवारी लिँदै पदबाट राजीनामा दिन लागेको जानकारी दिएका छन् ।

सभापति थापाले उपसभापति विश्वप्रकाश शर्मासँगको भेटवार्तामा सो जानकारी गराएका हुन् । भेटका क्रममा थापाले पार्टीको हारको जिम्मेवारी आफूले लिनुपर्ने भन्दै पद त्याग गर्ने तयारीमा रहेको बताएका थिए ।

‘पार्टीको पराजयको जिम्मेवारी लिएर मैले पदत्याग गर्नु उचित हुन्छ । अब म राजीनामा दिन्छु,ु थापाले भेटमा भनेका थिए । तर उपसभापति शर्माले भने उनलाई तत्काल राजीनामा नदिन आग्रह गरेका छन् । सोमबार साँझदेखि सुरु भएको थापा र शर्माबीचको छलफल काठमाडौंको नयाँ बानेश्वरमामा जारी रहेको स्रोतले जनाएको छ ।

विशेष महाधिवेशन गरी पार्टीको सभापति भएका थापाले नेपाली कांग्रेस बदलेको र देश बदल्नका लागि मत दिन आग्रह गरे पनि जनताले यो पटक रास्वपालाई दुई तिहाई बहुमत दिएका छन् । र, कांग्रेसलाई निकै कम मत दिएर कमजोर प्रतिपक्षीका रुपमा खडा गरिदिएका छन् ।