कांग्रेसको सभापतिमा गगन थापा निर्वाचित

काठमाडौँ । नेपाली कांग्रेसको विशेष महाधिवेशनले सभापतिमा सर्वसम्मत रुपमा गगनकुमार थापालाई निर्वाचित गरेको छ । महाधिवेशनले सभापति थापा र महामन्त्री सर्वसम्मत रूपमा चयन गरेको छ ।

विशेष महाधिवेशनले महामन्त्रीमा प्रदीप पौडेल र गुरुराज घिमिरेलाई चयन गरेको छ ।

पार्टी विधानअनुसार सभापतिमा एक जना र महामन्त्रीमा दुई जनाको व्यवस्था रहेको छ ।

तोकिएको समयभित्र सभापतिमा थापा र महामन्त्रीमा पौडेल तथा घिमिरेको मात्रै मनोनयन परेपछि उनीहरू सर्वसम्मत रूपमा चयन भएका हुन् ।

यसअघि महामन्त्री पदका लागि विश्वप्रकाश शर्माले पनि उम्मेदवारी दिने चर्चा चलेको थियो । तर अन्तिम समयमा उनले उम्मेदवारी नदिएपछि महामन्त्री पदमा दुई जनाको मात्र मनोनयन दर्ता भएको थियो ।