एमालेका उम्मेदवार फेरबदल : सिन्धुपाल्चोक १ मा सरेश नेपाल, पाल्पा २ मा ठाकुर गैरे, धादिङमा रिजाल

काठमाडौै । उम्मेदवारी मनोनयनका दिन मंगलबार बिहान एमालेका ३ क्षेत्रका उम्मेदवार परिवर्तन भएका छन् । पाल्पा क्षेत्र नम्बर २ मा नेकपा एमालेले ठाकुर गैरेलाई नै प्रतिनिधि सभा सदस्य निर्वाचनको टिकट दिएको छ ।

एमालेका लुम्बिनी प्रदेश अध्यक्ष राधाकृष्ण कँडेलले गैरेको टिकट लिएर पाल्पा गएका छन् । यसअघि एमालेले उपाध्यक्ष बिष्णु पौडेललाई पाल्पा २ मा उम्मेदवार बनाएकोमा पछि रामबहादुर राउतलाई दिएको थियो । तर मंगलबार बिहान गैरेलाई नै दिइएको छ ।

त्यसैगरी, धादिङ २ मा चन्द्र रिजाललाई दिइएको छ । यसअघि धनबहादुर घलेले पाएको टिकट खोसेपछि धादिङ जिल्लाको एमाले कार्यालयमा तालाबन्दी गरिएको छ ।

त्यसैगरी, सिल्धुपाल्चोक १ मा सरेश नेपाललाई एमालेले उम्मेदवार बनाउने भएको छ । सुरुमा आङदोर्जे शेर्पालाई टिकट दिएकोमा निमफुन्जो शेर्पाहरुको चर्को बिरोधपछि होमनारायण श्रेष्ठलाई दिएको थियो । मोहनबहादुर बस्नेतले कांग्रेसबाट टिकट नपाउने भएपछि सरेश नेपाल नै सिन्धु १ मा उम्मेदवार हुने भएका छन् ।