प्रहरीको साइबर ब्यूरोलाई निर्वाचन आयोगको निर्देशन, दुर्गा प्रसाईमाथि अनुसन्धान गर्नू

काठमाडौं । निर्वाचन आयोगले दुर्गा प्रसाईमाथि अनुसन्धान गर्न नेपाल प्रहरीको साइबर ब्यूरोलाई निर्देशन दिएको छ ।

कांग्रेस विशेष महाधिवेशन पक्षधरलाई मान्यता दिएको विषयमाप्रसाईंले भ्रामक सूचना प्रवाह गरेकाले आयोगले साइबर ब्यूरोलाई अनुसन्धानको दायरामा ल्याउन निर्देशन दिएको हो ।

प्रसाईंले शनिबार आफ्नै घरमा मिडिया बोलाएर आयोगमा ५२ करोड बुझाएर कांग्रेसको बिशेष महाधिवेशन पक्षले दलको आधिकारिकता लिएको अभिब्यक्ति दिएका थिए । तर उनले प्रमाण भने कुनै पनि देखाउन सकेका छैनन् ।

निर्वाचनको संघारमा प्रसाईंले सामाजिक सञ्जालमार्फत् राजनीतिक पार्टी र तिनका नेताहरुविरुद्ध बितृष्णा र घृणाभाव फैलाएको भन्दै आयोगले प्रहरीलाई कारबाहीको निम्ति लिखित निर्देशन दिएको छ ।

आयोगले पछिल्लो एक महिनायता उनका अभिब्यक्तितर्फ संकेत गर्दै नेताहरुको चरित्रहत्या गरेको ठहर छ ।