रौतहटको चन्द्रपुरबाट दुई वटा अटोमेटिक पेस्तोलसहित एक पक्राउ

रौतहट । चन्द्रपुर नगरपालिका–४ चन्द्रपुरस्थित देउराली चोकबाट मंसीर ६ गते सशस्त्र प्रहरीले दुई वटा अटोमेटिक पेस्तोलसहित एक जनालाई नियन्त्रणमा लिएको छ ।

बारा जिल्लाको निजगढ नगरपालिका–६ स्थायी घर भई हाल मकवानपुर जिल्लाको हेटौंडा उपमहानगरपालिका–१३ पदमपोखरी बस्ने २२ बर्षीय सुमन आचार्यलाई उक्त पेस्तोलसहित नियन्त्रणमा लिइएको हो ।

सशस्त्र प्रहरी बल नेपाल इन्टेलिजेन्स व्यूरोबाट खटिएको टोलीले उनलाई बेरेडा मेडईन ईटाली र सीएफ ९८९(०००१६९०८२६६) लेखेको दुई वटा अटोमेटिक पेस्तोल, सोको दुई वटा म्याग्जिन, १३ राउण्ड गोली र एक थान खुकुरीसहित नियन्त्रणमा लिएको हो ।

नियन्त्रणमा लिइएका उनलाई बरामद पेस्तोल तथा अन्य सामानसहित आवश्यक कारवाहीको लागि सम्बन्धित निकायमा बुझाउने प्रक्रियामा रहेको छ ।