डोल्मालाई करछुट दिने निर्णय आश्चर्यजनक : कमल थापा

काठमाडौं । राष्ट्रिय प्रजातन्त्र पार्टी(नेपाल)का अध्यक्ष कमल थापाले डोल्मा इम्प्याक्ट फन्डलाई कर छुट दिने सरकारको निर्णय गलत र राष्ट्रहित विपरीत भएको बताएका छन् ।

२०८२ कात्तिक १३२ गते बसेको मन्त्रिपपरिषद बैठकले डोल्मा कम्पनीलाई २९ करोड ४४ लाख ६६ हजार ७ सय रुपैयाँ पुँजीगत लाभकर छुट दिने निर्णय गरेपछि जेनजी आन्दोलनपछि बनेको सरकार र अर्थमन्त्री रामेश्वर खनालसमेत विवादमा आएका छन् ।

विगतका सरकारले समेत आँट नगरेको करछुट दिने निर्णय सुशासनका लागि स्थापना गरिएको सरकारले गरेकोमा थापाले आश्चर्य प्रकट गरेका छन् ।

थापाले लेखेका छन्–‘डोल्मा इम्प्याक्ट फन्डलाई कर छुट दिने सरकारको निर्णय गलत र राष्ट्रहितविपरीत छ । विगतमा भ्रष्ट भनिएको सरकारले समेत आँट नगरेको करछुटको निर्णय भ्रष्टाचार र कुशासन अन्त्यको जनादेशमा बनेको वर्तमान सरकारले किन गर्यो आश्चर्यजनक छ ।

करिब चार महिना अवधि बाँकी रहेको चुनावी सरकारले यस्तो दीर्घकालीन महत्व राख्ने र देशलाई झन्डै १५ अरब नोक्सानी र्पुयाउने निर्णय किन र्गयो यो अनुसन्धानको विषय हो । निर्णय फिर्ता हुनुपर्छ । जेन्जी अभियन्ताको ध्यान जाओस् ।’