निषेधित क्षेत्र घोषणाबिरुद्धको रिट दर्ता नगरेकोमा कमल थापाको आक्रोश

काठमाडौं । सिंगो काठमाडौं महानगरपालिकाभित्र निषेधित क्षेत्र घोषणा गर्ने जिल्ला प्रशासन कार्यालय काठमाडौंको आदेशबिरुद्ध परेको रिट दर्ता नगरेकोमा राष्ट्रिय प्रजातन्त्र पार्टी नेपालका अध्यक्ष कमल थापाले अदालतप्रति ब्यंग्यात्मक टिप्पणी गरेका छन् ।

बिगतमा माइतीघर मण्डलामा बिरोध प्रदर्शन गर्न निषेध गर्दा सर्वोच्च अदालतले तत्कालै सुनुवाई गरी निषेधित क्षेत्र खुल्ला गर्न आदेश दिएको स्मरण गर्दै थापाले अहिले सिंगो महानगरपालिका निषेधित क्षेत्र घोषणा गर्दा रिट नै दर्ता गर्न तयार नभएको उल्लेख गर्दै उनले न्यायको नौ सिङ हुन्छ भन्थे हो रहेछ भन्ने टिप्पणी गरेका छन् ।

अध्यक्ष थापाले लेखेका छन्–‘माइतीघर मण्डलामा विरोध प्रदर्शन गर्न निषेध गरिँदा सर्वोच्च अदालतले तत्काल सो निषेधित क्षेत्र तत्काल खुला गर्न आदेश दिएको थियो । तर, सिङ्गो महानगरपालिका निषेधित क्षेत्र घोषित गर्दा रिट दर्ता गर्न पनि सर्वोच्च अदालत तयार भएन ।
न्यायको नौसिङ हुन्छ भन्थे हो रहेछ ।’