मध्यरातमा फेसबुकमा आपत्तिजनक स्टाटस लेखेपछि बालेन साहको चौतर्फी बिरोध

काठमाडौं । आइतबार मध्यरातमा फेसबुकमा आपत्तिजनक स्टाटस लेखेपछि काठमाडौं महानगरपालिकाका मेयर बालेन्द्र साह(बालेन) चरम विवादमा तानिएका छन् ।

मानसिक सन्तुलन ठीक भएको मानिसले लेख्नै नसक्ने स्टाटस मेयर साहले लेखेका छन् । जसले उनी कुन सोंचका मानिस हुन् भन्ने छर्लङ्ग बनाएको भन्दै सामाजिक संजालमा चर्को बिरोध भएको छ । उनले स्टाटस राख्नासाथ हटाए पनि स्क्रीनसुट सामाजिक संजालमा भाइरल छ । उनले अमेरिका, भारत, चीन जस्ता देश र कांग्रेस, एमाले, माओवादी, रास्वपा, राप्रपा जस्ता शक्तिलाई अति नै अश्लिल र अशिष्ट भाषामा अंग्रेजीमा गाली गरेका छन् ।

सभ्य समाजले पढ्नै नसक्ने स्टाटस लेख्ने बालेनलाई अविलम्ब गिरफ्तार नगरे देशमा अराजकता र मुठभेड बढ्नसक्ने आवाज सामाजिक संजालमा प्रकट हुन थालेको छ ।

एमालेका केन्द्रीय सदस्य बिष्णु रिजालले नेपालमा गाँजा प्रतिबन्धित रहेको बताउँदै उनले गृहमन्त्री ओमप्रकाश अर्याललाई सिंहदरबार जलाउने बालेनलाई अविलम्ब गिरफ्तार गर्न माग गरेका छन् ।

रिजाल लेख्छन्–‘बालेन साहले हद नाघ्दै गएका छन् र देशमाथि खतरा बनिरहेका छन्। नेपालमा गाँजा प्रतिबन्धित छ,ु रिजालले सामाजिक सञ्जालमा लेखेका छन्, ‘गृहमन्त्री ओमप्रकाश अर्यालले सिंहदरबार जलाउने मतियार बालेनलाई अविलम्ब गिरफ्तार गर्नुपर्छ। नत्र अराजकता र मुठभेड बढ्छ ।’