१२ हजार घुससहित अदालतका नायबसुब्बा पक्राउ

काठमाडौं । जिल्ला अदालत, बाँकेमा कार्यरत नायब सुब्बा रामप्रसाद धमलालाई अख्तियार दुरुपयोग अनुसन्धान आयोगको टोलीले १२ हजार घुससहित नियन्त्रणमा लिएको छ ।

आयोगको बुटवल सम्पर्क कार्यालयको टोलीले बिहीबार बाँके जिल्ला अदालतको (क) फाँटमा कार्यरत धमलालाई नियन्त्रणमा लिएको हो ।

फैसलाको प्रतिलिपि दिने प्रयोजनका लागि सेवाग्राहीसँग घुस माग गरेको उजुरीका आधारमा आयोगको टोलीले नासु धमलालाई १२ हजार रुपैयाँ लिइसकेपछि नियन्त्रणम लिएको आयोगले जनाएको छ । उनलाई नेपालगञ्ज उपमहानगरपालिका वडा नं ९ शान्तिनगरस्थित यातायात चोकबाट नियन्त्रणमा लिएको अख्तियारका प्रवक्ता राजेन्द्रकुमार पौडेलले जारी गरेको बिज्ञप्तिमा उल्लेख छ ।