बलरामा सफ्टवेयर खरिदमा करोडौंको अनियमितता, लागत अनुमानबिनै टेन्डर स्वीकृत

सर्लाही । बलरा नगरपालिकाले नियमविपरीत अस्पताल व्यवस्थापनका लागि सफ्टवेयर खरिद गरेको खुलेको छ ।

सार्वजनिक खरिद ऐनविपरीत प्रक्रिया अघि बढाउँदै नगरपालिका २०८० भदौ १३ गते डायनामिक टेक्नो सफ्ट प्राइभेट लिमिटेड बाट ९ लाख ९९ हजार १ सय ९६ रुपैयाँ बराबरको सफ्टवेयर खरिद गरेको महालेखा परीक्षणको प्रतिवेदनले देखाएको हो ।

महालेखा परीक्षकको ६२ औँ प्रतिवेदनअनुसार सफ्टवेयर खरिदमा कुनै लागत अनुमान तयार गरिएको थिएन । सामान्यतया यस्ता खरिदमा लागत अनुमान तयार पारेर प्रतिस्पर्धी प्रक्रिया अपनाउनुपर्ने कानुनी व्यवस्था छ । तर बलरा नगरपालिकाले तीन वटामात्र कोटेशन संकलन गरी कम्पनीको मूल्य सूचीलाई आधार मानेर खरिद प्रक्रिया सम्पन्न गरेको देखिएको छ ।

लागत अनुमानबिनै कोटेशन संकलन गरेर खरिद प्रक्रिया अघि बढाइएकाले यसको पारदर्शिता र मितव्ययिता दुबैमा प्रश्न उठेको हो । महालेखाको प्रतिवेदनले नगरपालिकाले खरिदसँग सम्बन्धित आवश्यक प्रमाणसमेत पेस नगरेको उल्लेख गर्दै खर्चको औचित्यमाथि नै गम्भीर आशंका व्यक्त गरेको छ ।

विशेषज्ञहरू भन्छन्–‘लागत अनुमानबिनाको खरिदले भ्रष्टाचार र आर्थिक दुरुपयोगलाई प्रश्रय दिन्छ । स्थानीय सरकारको यस्तो लापरबाहीले जनताको करको रकम अनियमित ढंगले खर्च गरिएको स्पष्ट देखिन्छ ।’

नियमविपरीत गरिएको खरिदको जवाफ दिन नगरपालिकाले हालसम्म चासो नदेखाएको आलोचकहरूको आरोप छ । सार्वजनिक निकायले कानुनको पालना गरी खरिद प्रक्रिया अघि बढाउनुपर्नेमा बलराले भने प्रक्रिया र पारदर्शीताको धज्जी उडाएको हो ।

यसले स्थानीय तहमा देखिएको सुशासन अभाव र आर्थिक अनुशासनको कमीलाई पुनः उजागर गरेको छ ।

महालेखा परीक्षकको प्रतिवेदनमा उल्लेख छ :