राज्यव्यवस्था समितिमा गृहमन्त्री जाने, तीन समितिको बैठक बस्दै

काठमाडौं । संघीय संसद अन्तर्गतको तीन समितिको बैठक बस्दैछ ।

संसद सचिवालयका अनुसार तीनै समितिको बैठक सिंहदरवारस्थित संसद सचिवालय परिसर, सिंहदरवारमा बस्नेछ ।

जसअनुसार अर्थ समितिको बैठकमा आगामी आ.व.२०८१-८२ को बजेट सम्बन्धमा अर्थमन्त्रालयसँग छलफल गरिनेछ । जुन बैठक बिहान ११ः०० बजेवाट सुरू हुनेछ ।

​गत चैत १५ गते राजावादीको प्रदर्शनमा काठमाण्डौको तीनकुनेमा मिति २०८१ चैत्र १५ गतेको घटनाका सम्बन्धमा गृह मन्त्रालयसँग छलफल गर्न राज्यव्यवस्था तथा सुशासन समितिको बैठक बोलाइएको छ । सो बैठक पनि बिहान ११ः०० बजे बस्नेछ । उक्त बैठकमा गृहमन्त्री रेमश लेखकले तीनकुने घटनाका बारेमा जवाफ दिनेछन् ।

उता, विधायन व्यवस्थापन समितिमा भने पुरानै अजेन्डा पानीजहाज  (सञ्चालन तथा व्यवस्थापन) विधेयक, २०८१ मा दफावार छलफल हुनेछ । जुन बैठक बिहान ११ः०० बजेवाट सुरू हुनेछ ।