ज्ञानेन्द्र शाहीले फेरि लेखे–बृद्ध आश्रमलाई के बाल आश्रम भन्नु त ?

काठमाडौं । राष्ट्रियसभाले आइतबार राप्रपाका सांसद ज्ञानेन्द्र शाहीका बिरुद्ध खेद प्रस्ताव पारित गरेको छ । राष्ट्रियसभालाई बृद्धाश्रमको संज्ञा दिएपछि उनीबिरुद्ध खेद प्रस्ताव पारित गरेको छ । तर खेद प्रस्ताव पारित गरेपछि पनि उनले सामाजिक संजालमा बृद्धाश्रमलाई के बाल आश्रम भन्नु त भन्दै प्रश्न गरेका छन् ।

उनले राष्ट्रियसभा बृद्धाश्रम नै भएको उल्लेख गर्दै लेखेका छन्– चुनाव हारेका हरुवा–चरुवालाई भर्ति गर्ने केन्द्र राष्ट्रियसभा बनाएपछि हामीले हरुवा–चरुवा भर्तिकेन्द्र बृद्धाश्रमलाई बालआश्रम भनिदिनुपर्ने हो राष्ट्रियसभाका सम्माननीय अध्यक्षज्यू ?

मेरा विरुद्धमा खेद प्रस्ताव पारित गर्नुभन्दा जनतामा गएर चुनाव जितेर आउनुहोस् । हरुवा–चरुवा बृद्धाआश्रममा जाने बाजेबजैलाई घरमा गएर आफ्ना नातिनतिनालाई खेलाएर बस्न भन्नुहोस् । तर राष्ट्रियसभालाई हामी युवाहरुको र राष्ट्रको भविष्य बर्बाद गर्ने थलो नबनाउनुस् ।