बालेन साहले गरे एमालेलाई १ लाख जरिवाना, फोहोरमैला र प्रदूषण फैलाएको आरोप

काठमाडौं । नेकपा (एमाले)लाई काठमाडौं महानगरपालिकाले १ लाख रुपैयाँ जरिवाना गरेको छ ।

शुक्रबार एमालेले जागरणसभाका क्रममा सडकपेटीमा जथाभावी फोहोरमैला गरी प्रदूषण फैलाएको भन्दै महानगरले १ लाख रुपैयाँ जरिवाना गरेको हो । एमालेको जागरणसभा भएकै दिन महानगरले एक लाख रुपैयाँ जरिवाना गर्ने निर्णय गरेको छ ।

काठमाडौं महानगरपालिकाका मेयर बालेन साहको निर्देशनमा नगर प्रहरी निरीक्षक लीलाराज गाछाले एमालेका नाममा सम्बोधन गरी लेखेको पत्रमा उल्लेख छ–‘२०८१ मंसिर ७ गते काठमाडौँ महानगरपालिका वडा नं. १ दरवारमार्गस्थित खुल्ला सडकमा जागरण सभा गर्ने क्रममा सडक तथा सडकपेटीमा जथाभावी फोहरमैला गरी वातावरण प्रदूषण गरेकाले तपाईलाई फोहरमैला व्यवस्थापन ऐन, २०६८ र काठमाडौं महानगरपालिकाको आर्थिक ऐन, २०५१ बमोजिम रु १ लाख जरिवाना गरिएको व्यहोरा निर्देशानुसार अनुरोध गर्दछु ।’

महानगरको पत्र