भोलि हुने जेनजीको आन्दोलनलाई बालेनको समर्थन

काठमाडौं । सामाजिक संजाल बन्द गर्ने सरकारको निर्णयको बिरोधमा सोमबार हुन लागेको २८ बर्षमुनिका युवा (जेनजी) हरुको आन्दोलनलाई काठमाडौं महानगरपालिकाका मेयर बालेन साहले समर्थन गरेका छन् । उनले सोमबारको जेनजीको र्यालीमा कुनै पनि पार्टी, नेता, अभियन्ताहरुलाई स्वार्थ पूरा गर्नका लागि बाठो भएर नआउन सुझाव दिएका छन् ।

बालेनले सामाजिक संजालमा लेखेका छन्–‘भोलिको र्याली स्पष्ट स्वतः स्फूर्तरुपमा Gen Z को हो , उहाँहरू भनेको २८ बर्षमुनि हुनुहुन्छ, जसका लागि म पनि अझै बुढो देखिन्छु । मलाई पनि उहाँहरूको इच्छा, उद्देश्य, सोच बुझ्नु मन छ ।

भोलि यो स्वतःस्फुर्त र्यालीमा कुनै पार्टी, नेता, कार्यकर्ता, सांसद, बहुला, अभियन्ताहरू आफ्नो स्वार्थ पूरा गर्न बाठो नबन्नु होला ।

म उमेर हदबन्दीको कारण जान मिल्दैन, तर उहाँहरूको कुरा बुझ्नु जरुरी छ , मेरो भरपुर समर्थन छ ।

Gen Z भन्नुस् तपाईँहरुले कस्तो देश देख्न चाहनुहुन्छ ?’