बालेनले दिए प्रधानमन्त्रीलाई चीन भ्रमणको शुभकामना, लिपुलेक नेपालको भूभाग हो भनेर सम्झाउनुहोला

काठमाडौं । काठमाडौं महानगरपालिकाका मेयर बालेन साहले प्रधानमन्त्री केपी शर्मा ओलीलाई चीन भ्रमणको शुभकामना दिंदै लिपुलेक नेपालको भूभाग हो भनेर चीनलाई सम्झाउन सुझाव दिएका छन् ।

शनिबार बिहान चीन भ्रमणमा निस्केका प्रधानमन्त्री केपी शर्मा ओलीलाई सामाजिक संजालमार्फत् मेयर साहले उक्त सुझाव दिएका हुन् । साहले नेपालको लिपुलेक नाकाबाट व्यापार पुनः सञ्चालन गर्ने भारत–चीनको सहमतिले हाम्रो सार्वभौमिकतामाथिको अतिक्रमण गरेको उल्लेख गरेका छन् ।

मेयर साहले लेखेका छन्–‘चीन भ्रमणको शुभकामना प्रधानमन्त्रीज्यू ।

नेपालको लिपुलेक नाकाबाट व्यापार पुनः सञ्चालन गर्ने भारत–चीनको सहमतिले हाम्रो सार्वभौमिकतामाथिको अतिक्रमण गरेको छ, त्यो हाम्रो नै हो भन्ने कुरा चीनलाई सम्झाउन नबिर्सनुहोला ।
‘अल द बेष्ट’ हामीलाई तपाईंमाथि पूर्ण बिश्वास छ ।’