संवैधानिक परिषदमा बहुमत पुर्याउन उपसभामुखबिरुद्ध महाभियोग लगाउने सत्तापक्षको तयारी

काठमाडौं । संवैधानिक परिषदमा बहुमत पुर्याउनका लागि नेपाली कांग्रेस र एमालेले उपसभामुख इन्दिरा रानाका बिरुद्ध महाभियोग दर्ता गर्ने तयारी गरेका छन् । संवैधानिक परिषदमा प्रतिपक्षी पार्टीहरुको बहुमत भएकाले संवैधानिक आयोगहरुमा नियुक्ति गर्न असहज भएपछि कांग्रेस र एमालेले उपसभामुखलाई अमेरिकामा मानवतस्करी गरेको आरोपमा महाभियोग दर्ता गर्ने तयारी गरेका छन् ।

संवैधानिक परिषदमा प्रधानमन्त्री अध्यक्ष हुन्छन् भने प्रधानन्यायाधीश, सभामुख, राष्ट्रियसभाका अध्यक्ष प्रतिपक्षी दलका नेता र उपसभामुख सदस्य रहने ब्यवस्था छ । वर्तमान अवस्थामा प्रधानमन्त्री र सभामुख सत्तापक्षका छन् भने । राष्ट्रिय सभाका अध्यक्ष, उपसभामुख र प्रतिपक्षी दलका नेता विपक्षका छन् ।

प्रधानन्यायाधीशले साथ दिंदा पनि सत्तापक्षको बहुमत नपुग्ने भएपछि उपसभामुख रानालाई हटाउने तयारीमा सत्तापक्ष लागेको छ । रानालाई हटाउने र कांग्रेसलाई उपसभामुख बनाउने तयारी छ ।