रसुवा भन्सारबाट कर्मचरीकै मिलमेतामा तस्करी

काठमाडौं । चीनबाट सामान आयात गर्ने ब्यापारीले ब्रान्डेड सामान ल्याएर कमसल सामान घोषणा गरी भन्सार छली गरेका घटना त प्रायः घटि नै रहेका हुन्छन् । तर रसुवा भन्सार कार्यालयबाट कमसल सामान घोषणा गरी ब्रान्डेड सामान ल्याउने गरेका छन् ।

महानिर्देशक पौडेलले भने–‘भन्सार कार्यालयबाट हुने तस्करी नियन्त्रण गर्ने अभियानमा रसुवामा पठाइएको टोलीले १ सय ५० किलो नाम नखुलेको केमिकल बरामद गरेको छ । उक्त केमिकल के हो भन्ने एकीन भइसकेको छैन ।

रसुवा भन्सार कार्यालयका प्रमुख रामप्रसाद पाठकसँग प्रज्ञापनपत्रमा उल्लेख भएको भन्दा फरक सामान बरामद गरेकोबारेमा प्रतिक्रियाका लागि सम्पर्क गर्दा उनले भन्सार बिभागले प्रतिवेदन दिएपछि जानकारी पाउनुहोला नि भनेर थप केही बताउन चाहेनन् । कुन ब्यापारीक फर्मले ल्याएको सामान हो भन्ने कुरा समेत उनले भन्न चाहेनन् ।

रसुवा नाकाबाट महंगा सामान ल्याउने र सस्तो सामानको भन्सार तिर्ने ब्यापारीहरुसँग भन्सार कार्यालयका प्रमुख रामप्रसाद पाठककै सेटिङ रहेको स्रोत बताउँछ ।

अर्थमन्त्री डा। प्रकाशशरण महतका भान्जा नाता पर्ने अरुण थापा, वाङ छिरिङ तामाङसहितको समूहलाई तस्करीको लाइन दिएका छन् । वाङ छिरिङ भन्सार प्रमुख पाठकका सवारी चालक छे छिरिङ तामाङका भाइ हुन् । विगत बर्षको तिहारमा भारतबाट आउने ड्राइफुड (काजु, किससिम, पेस्ता) समेत यो बर्ष चीनबाटै तस्करीबाट भित्रिएको छ ।