नेप्सेमा ३५.६७ अंकको गिरावट, कारोबार रकम कति ?

काठमाडौँ। आज साताको पहिलो कारोबार आइतबार नेप्से परिसूचक ३५.६७ अंकले घटेको छ। यसदिन नेप्से १.८२ प्रतिशतले घटेर १९२१.२४ बिन्दुमा बन्द भएको छ।

आइतबार नेप्से परिसूचक घटेपनि कारोबार रकम पनि अघिल्लो दिनको तुलनामा बढेको छ।

गत कारोबार दिन १ अर्ब १० करोड ६५ लाख १९ हजार ४१८ रुपैयाँको सेयर कारोबार भएकोमा यस दिन उक्त रकम बढेर १ अर्ब ८० करोड १७ लाख ६६ हजार २९४ रुपैयाँ पुगेको छ।

यस दिन २८९ वटा धितोपत्रको ५८ लाख १५ हजार १३९ कित्ता सेयर किनबेच भएको हो।

आइतबार बाराही हाइड्रोपावरको सेयर मूल्य सर्वाधिक ९.५९ प्रतिशतले बढेको छ।

उक्त कम्पनीको सेयर मूल्य ५५१ रुपैयाँ पैसा पुगेको छ।

यस्तै, सिद्धार्थ इन्भेष्टमेन्ट ग्रोथ स्किम ग्रोथ स्किम –२ को इकाइ मूल्य ९.४० प्रतिशतले बढेर प्रति इकाइ मूल्य ८ रुपैयाँ ५० पैसा पुगेको छ।

सेयर मूल्य सर्वाधिक घट्नेमा हिमालयन लघुवित्त रहेको छ। उक्त कम्पनीको सेयर मूल्य १० प्रतिशतले घटेर प्रतिकित्ता मूल्य ६८० रुपैयाँ ४० पैसामा झरेको छ।

यस्तै, गरिमा डिवेञ्चर २०८५ को मूल्य १० प्रतिशतले घटेर प्रति डिवेञ्चर मूल्य ८६४ रुपैयाँ ४० पैसामा सीमित भएको छ।

आइतबार शिवम् सिमेन्टको सर्वाधिक कारोबार भएको छ।

उक्त कम्पनीको प्रतिकित्ता ५१९ रुपैयाँ ९० पैसामा ६ करोड ७३ लाख बराबरको सेयर कारोबार भएको हो।

यो मूल्य अघिल्लो दिनको तुलनामा २.८४ प्रतिशत घटेको हो।

सर्वाधिक सेयर खरिद–बिक्री हुने दोस्रो कम्पनीमा रिलायबल नेपाल लाइफ इन्स्योरेन्स रहेको छ। उक्त कम्पनीको प्रतिकित्ता ४४५ रुपैयाँमा ५ करोड ५७ लाख रुपैयाँ बराबरको सेयर कारोबार भएको छ।

त्यस्तै, आज कारोबारमा आएका १३ वटा समूहगत परिसूचकमध्ये सबै समूहको परिसूचक घट्दा समग्र नेप्से घटेको हो।