धनगढीबाट १६ क्वीन्टल अवैध माछा बरामद

काठमाडौं। धनगढीबाट प्रहरीले करिब १६ क्वीन्टल अवैध माछा बरामद गरेको छ । धनगढी उपमहानगरपालिका–७ मनहेराबाट सुपप्र ०१००१ च ३४१९ नम्बरको जिपमा ल्याउदै गरेको अवस्थामा प्रहरी टोलीले माछा बरामद गरेको हो ।

बेलौरी नगरपालिका–७ बस्ने २१ वर्षीय रामकुमार रानाले चलाएको जिपबाट अवैध माछा बरामद गरिएको प्रहरीले बताएको छ ।

चालकले ती माछा धनगढीबाटै खरिद गरेर ल्याएको दाबी गरेपनि पुष्टि हुने बिल भौचर नदेखिएपछि भारतबाट अवैध रुपमा ल्याएको आशंकामा नियन्त्रणमा लिइएको प्रहरीले जनाएको छ । जिल्ला प्रहरी कार्यालयका अनुसार बरामद गरिएका माछा जिल्ला प्रहरी कार्यालयले नष्ट गरेको छ ।

जिप र चालकलाई आवश्यक कारबाहीका लागि भन्सार कार्यालय कैलालीमा बुझाएको छ ।