गाँजासहित ४ जना पक्राउ

वीरगञ्ज। बाराबाट साढे १३ किलो प्रतिबन्धित गाँजासहित चार जनालाई प्रहरीले पक्राउ गरेको छ।

प्रहरीले बाराको निजगढ नगरपालिका–८ पूर्व–पश्चिम लोकमार्ग सडकखण्डको उनासी पुलमा हेटांैडाबाट काँकडभिट्टातर्फ जाँदै गरेको मे १ ख २३२२ नं. को यात्रु बाहक बसलाई रोकी जाँच गरेको थियो।

चेकजाँचका क्रममा बसको सिटमुनि लुकाई ल्याइएको १३ किलो पाँच सय ग्राम प्रतिबन्धित गाँजा प्रहरीले बरामद गरेको थियो।

गाँजा बरामद भएपछि त्यसको तस्करीमा संलग्न रहेको आरोपमा प्रहरीले मकवानपुरको मनहरी गाउँपालिका–८ ज्यामिरेका राजकुमार भनिने चन्द्रबहादुर मोक्तान, झापा मेची नगरपालिका–६ शान्तिटोलका शंकर दाहाल, वडा नम्बर ७ का विनोदकुमार पोखरेल र रौतहटको चन्द्रपुर नगरपालिका–८ का अर्जुन गौतमलाई पक्राउ गरिएको बाराका प्रहरी प्रवक्ता डिएसपी पुरुषोत्तमप्रसाद पाण्डेले जानकारी दिए।

पक्राउ परेकाहरूलाई लागुऔषध मुद्दामा थप अनुसन्धान भइरहेको उनले बताए ।