क्रान्तिकारीहरूले चुनाव जित्ने दिन गए, अब अर्बौ खर्चगर्नुपर्छ : प्रचण्ड

काठमाडौं । नेकपा माओवादी केन्द्रका अध्यक्ष पुष्पकमल दाहाल (प्रचण्ड)ले वर्तमान निर्वाचन प्रणालीमा क्रान्तिकारीहरू लडेरै मात्र चुनाव जित्ने अवस्था नरहेको बताएका छन् ।

उनले अहिलेको अवस्थामा चुनाव जित्न विभिन्न तिक्डम अपनाउनुपर्नुको साँथै अर्बो रुपैयाँ खर्च गर्नुपर्ने बताएका छन् ।

पार्टी केन्द्रीय कार्यालय पेरिसडाँडामा आयोजित एक कार्यक्रमलाई सम्बोधन गर्दै उनले धेरै पैसा खर्च गर्न सकेन र अनेक खालका तिक्डम गर्न जानिएन भने चुनाव जितेर आउन नै गाह्रो भएको बताएका हुन् ।

‘जनयुद्धपछी २०६४ सालमा भएको निर्वाचनमा माओवादी भनेर उठाइदिएपछि जोकोहिपनि जितिहाल्ने जस्तो अवस्था थियो’, प्रचण्डले भने– ‘अहिल परिस्थिती बदलिएको छ, अब चुनाव जितन धेरै पैसा खर्च गर्न सकेन र अनेकन तिक्डम गर्न जानेन भने चुनाव जितेर आउन धेरै नै गाह्रो छ ।’

प्रचण्डले गत स्थानिय निकाय निर्वाचनमा गाउँपालिका अध्यक्षको चुनावमा १० करोड रुपैयाँसम्म खर्च गरिएको अवस्थामा प्रदेश र संघको चुनावमा अर्बौसम्म खर्च हुने जिकिर गरे ।

उनले वर्तमान निर्वाचन प्रणालीले भ्रष्टाचारलाई संस्थागत गरेको भन्दै यस प्रणालीलाई परिमार्जन गर्नेगरी बहस अघि बढाइनुपर्ने बताए । उनले निर्वाचन प्रणालीलाई मितव्ययी बनाउन संघीय लोकतान्त्रिक गणतन्त्रमा सहमत दलहरूसँग छलफल गरिने समेत बताए ।