रास्वपा नेताको बिलौनाः ग्याँस सकियो, बत्ती पनि गयो, भात खान पाइएन सरकार ?

काठमाडौं । राष्ट्रिय स्वतन्त्र पार्टी(रास्वपा)का संसदीय दलका उपनेता गणेश पराजुलीले खाना पकाउने एलपीजी ग्याँस अभाव नभएको स्टाटस सामाजिक संजालमा लेख्छन् भने अर्कोतिर सोही पार्टीको भरतपुर महानगरको मेयरको उम्मेदवारका रुपमा चिनाउँदै हिंडेका राजेन्द्र अर्याल ग्याँस नभएर भात खान नपाएको बिलौना गरिरहेका छन् ।

कांग्रेसको आडमा लिनुसम्म लाभ लिएर आर्थिक समुन्नतिको शिखरमा पुगेका अर्याल रास्वपाबाट आगामी स्थानीय तहको निर्वाचनमा भरतपुर महानगरपालिकाको मेयरको उम्मेदवार दाबी गर्दैआएका छन् । उनले आजको मेरो छुट्टै बेदना भन्दै सामाजिक संजालमा ग्याँस नपाएर खाना खान नपाएको बिलौना गरेका छन् । उनले ग्याँस सकियो, बिद्युतीय चुल्हो(इन्डक्सन) मा पकाउन बत्ती बिहानदेखि नभएकोले खाना खान पाउँ, काम गर्न जान पाउँ भन्दै सरकारसँग बिलौना गरेका छन् ।

अर्याल लेख्छन्–‘मेरो वाइफले बिहानको खाना बनाउँदै थिइन्, ग्यास सकियो, भातमा सिठ्ठी लागेन बत्ती बिहान ७.१५ देखि छैन । अब के गर्ने १०.२३ भैसक्यो । लौ जय होस् मेरो देश !!!! मेरो सरकार काम गर्न जान बिहानको खाना खान पाउँ !’

२०४८ सालमा चिरन्जीवी वाग्ले संचार मन्त्री हुँदा टेलिफोनका लाइन मारवाडी ब्यापारीलाई लाख लाखमा बिक्री गरी नवधनाढ्य हुने मार्गमा लागेका र बिज्ञापन ब्यवसाय गरेका राजेन्द्र अर्याल पछिल्ला दिनमा रास्वपाका समर्थक बनेका हुन् ।