११ हजार घुस लिने यातायातका हाकिम र बिचौलियाबिरुद्ध मुद्दा दायर

काठमाडौं । अख्तियार दुरुपयोग अनुसन्धान आयोगले गएको फागुन १२ गते ११ हजार ५ सय रुपैयाँ घुसको रकमसहित नियन्त्रणमा लिएका यातायात व्यवस्था कार्यालय, हेटौंडामा कार्यरत अधिकृत छैटौं अमृत भेटवाल र लेखापढी ब्यवसायी खगेन्द्र पौडेलबिरुद्ध आज बिशेष अदालतमा मुद्दा दायर गरेको छ ।

सवारी सरूवा सहमति गर्नका लागि उनले सेवाग्राहीसँग घुस लिएको सूचनाका आधारमा अख्तियारको कार्यालय, हेटौडाबाट खटिई गएको टोलीले बिचौलिया लेखापढी व्यवसायी खगेन्द्र पौडेलसहितलाई नियन्त्रणमा लिएको थियो ।

पौडेलको पूर्वयोजना तथा सहमति बमोजिम घुसररिसवत लिएको स्थापित भएकाले प्रतिवादी अमृत भेटुवाललाई ११ हजार ५ सय नै बिगो कायम गरी मुद्दा दायर गरेको छ ।
अख्तियारले लेखापढी ब्यवसायी खगेन्द्र पौडेललाई पनि बिगो बराबरको जरिवाना संजाय माग गर्दै मुद्दा दर्ता गरेको छ ।