भरतपुर महानगरका इन्जीनीयरसँग भेटियो ७ करोडको अकूत सम्पत्ति, अख्तियारद्वारा मुद्दा दायर

काठमाडौं । अख्तियार दुरुपयोग अनुसन्धान आयोगले भ्रष्टाचार गरी गैरकानुनी रुपमा सम्पत्ति आर्जन गरेको आरोपमा भरतपुर महानगरपालिकाका आठौं तहका बरिष्ठ इन्जीनीयर भरतकुमार आचार्यका बिरुद्ध बिशेष अदालतमा मुद्दा दायर गरेको छ ।

२०४८ माघ ६ गतेदेखि सरकारी सेवामा कार्यरत रहेका आचार्यको सम्पत्तिमध्ये ६ करोड ७८ लाख ९१ हजार १५ रूपैया ९४ पैसाको स्रोत पुष्टि गर्न नसकेकाले उनीबिरुद्ध मुद्दा दायर गरेको अख्तियारले जनाएको छ । आयोगले आचार्यबिरुद्ध मंगलबार मुद्दा दायर गरेको हो ।

आचार्यको पारिश्रमिक र तलब, दैनिक भ्रमण भत्ता, स्थानीय भत्ता, बैठक भत्ता लगायत अन्य भत्ता बापत बचत रकम, जग्गा बिक्रीबाट प्राप्त आय, उनकी
श्रीमती र एकाघर परिवारका सदस्यहरूले जाँच अबधिमा बैधानिक रूपमा कूल ३ करोड ५१ लाख ८ हजार २ सय १० रूपैयाँ अठार पैसा आय आर्जन गरेको देखिएको आयोगको विज्ञप्तिमा उल्लेख छ ।

आायेगले सोही अबधिमा आचार्य तथा उनका एकाघर परिवारका सदस्यहरूको  व्ययतर्फका शीर्षकहरूमा कूल रू १० करोड २९ लाख ९९ हजार २ सय छब्बीस रूपैयाँ १२ पैसा देखिएको उल्लेख गरिएको छ । कूल खर्च तथा लगानी समेत घटाउँदा ६ करोड ७८ लाख ९१ हजार १५ रूपैया ९४ पैसाको स्रोत पुष्टि भएको नदेखिएकाले सोही बमोजिम बिगो कायम गरी आयोगले आचार्य र उनकी श्रीमतीबिरुद्ध बिशेष अदालतमा मुद्दा दायर गरेको छ ।

यस्तो छ अख्तियारको आरोपपत्र