जेन–जीलाई बालनेको अपिलः भौतिक सम्पतिमा क्षति नपुर्याइदिनुस्

काठमाडौं । काठमाडौं महानगरपालिकाका मेयर बालेन साहले जेन-जी पुस्ताका प्रदर्शनकारीलाई भौतिक सम्पत्ति तोडफोड नगर्न आग्रह गरेका छन् । उनले प्रदर्शनकारीलाई संयमित हुन अपिल गरेका छन् । प्रधानमन्त्री केपी शर्मा ओलीले राजीनामा दिइसकेकाले अब संयमित हुन उनले आग्रह गरेका छन् ।

केहीबेरअघि उनले सामाजिक संजालमा लेखेका छन्–हामीले स्पष्टरूपमा भनेका थियौं । यो नितान्त जेन–जीको आन्दोलन हो ।

प्रिय जेन–जी, तपाईंहरूको हत्याराको राजीनामा आइसकेको छ । अब संयमित हुनुहोला !!

देशको जनधनको क्षति भनेको तपाईं हाम्रै सम्पत्तिको क्षति हो ।

तपाईं–हामी अब संयमित हुनु जरुरी छ ।

अब तपाईंको पुस्ताले नै देशको नेतृत्व गर्नुपर्नेछ ।

तयार रहनुहोला !

साथै, सेना प्रमुखसँग वार्ता गर्न पनि तयार हुनुहोला ।

तर याद रहोस् — वार्ता गर्नु अघि संसद् विघटन भएको हुनुपर्छ ।