रुपन्देही र मनाङ उपनिर्वाचनः मुख्य निर्वाचन अधिकृत सिफारिस

काठमाडौं । न्यायपरिषदले रुपन्देही–३ र मनाङको प्रदेशसभा–२ को उपनिर्वाचनका लागि मुख्य निर्वाचन अधिकृत सिफारिस गरेको छ ।

मंगलबार बसेको न्यायपरिषद्को बैठकले रुपन्देही क्षेत्र नंं ३ मा प्रतिनिधिसभा सदस्य पदको उपनिर्वाचनका लागि रुपन्देही जिल्ला अदालतका न्यायाधीश अशोककुमार बस्नेतलाई मुख्य निर्वाचन अधिकृत बनाउने सिफारिस गरेको हो ।

यसैगरी मनाङको प्रदेशसभा क्षेत्र नम्बर–२ को उपनिर्वाचनका लागि मनाङ जिल्ला अदालतका न्यायाधीश लालकाजी श्रेष्ठलाई नियुक्तिका लागि सिफारिस गरिएको छ ।

निर्वाचन आयोगले उनीहरूलाई नियुक्त गरेपछि आधिकारिक रूपमा उनीहरूले जिम्मेवारी सम्हाल्नेछन् ।

रुपन्देही ३ र मनाङ प्रदेश सभा २ मा २०८२ कात्तिक १७ गते निर्वाचन हुँदैछ ।