दुई मन्त्रीलाई बर्खास्त गर्ने तयारीमा मुख्यमन्त्री गुरुङ

पोखरा । गण्डकी प्रदेशका मुख्यमन्त्री पृथ्वीसुब्बा गुरुङले दुई मन्त्रीलाई बर्खास्त गर्ने तयारी गरेका छन् । स्राेतका अनुसार गुरुङले आफ्नो क्याबिनेटका आन्तरिक मामिला तथा कानूनमन्त्री हरिबहादुर चुमान र भूमि व्यवस्था कृषि तथा सहकारी मन्त्री लेखबहादुर थापामगरलाई बर्खास्त गर्ने तयारी गरेका हुन् ।

चुमान र थापा नेकपा प्रचण्ड–नेपाल समूहमा छन् । दाहाल–नेपाल समूहमा लागेका उनीहरु केपी ओली समूहको खुलेर बिरोधमा लागेपछि आफ्नो समूहबाट बर्खास्त गर्न दबाब परेको स्राेत बताउँछ ।

६० जना प्रदेशसभा सदस्य रहेको गण्डकी प्रदेशमा स्वतन्त्रबाट निर्वाचित राजीव श्रेष्ठ (दीपक मनाङे्) सहित नेकपाका ४० सदस्य छन् । गत पुस ५ गते प्रतिनिधिसभा विघटनपछि २७ जना प्रदेश सांसद नेकपाको प्रधानमन्त्री केपी शर्मा ओली समूहमा देखिएका छन् ।