अजरबैजान पठाउँछु भनेर ठगेको आरोपमा पक्राउ

काठमाडौं। वैदेशिक रोजगारीका लागी अजरबैजान पठाउने भन्दै ठगी गर्ने एक जना पक्राउ परेका छन् ।  उपत्यका अपराध अनुसन्धान कार्यालयले बुढानिलकण्ठबाट उनलाई पक्राउ गरेकाे हाे ।

पक्राउ पर्नेमा खोटाङको दिक्तेल रुपाकोट मझुवागढी नगरपालिका–६ घर भएका हरि कुमार दाहाल छन् । पीडित खेम बहादुर डाँगीलाई अजरबैजान पठाउँछु भनेर आरोपीले ६ लाख ७७ हजार रकम लिएपछि सम्पर्क विहीन भएको आरोप छ ।

अजरबैजान जान ६ लाख ५० हजार लाग्ने र त्यहाँ ७५ हजार तलब आउने जागिर मिलाइदिन्छु भनेर उनले पीडितलाई प्रभावमा पारेको प्रहरीको अनुसन्धान निष्कर्ष छ । आरोपीलाई कानुनी कारबाहीका लागी वैदेशिक रोजगार विभाग ताहाचलमा पठाएको प्रहरीले जनाएको छ ।