सशस्त्र प्रहरीका इन्स्पेक्टरले मच्चाए आर्थिक ताण्डव

परासी । नवलपरासी र पश्चिम नवलपरासीको परासीमा रहेको सुरक्षा बेस परासीका इन्स्पेक्टर केशव भट्टराईले संगठनको नाम बेच्दै नवलपरासीमा आर्थिक ताण्डव मचाएका छन् ।

सीमा नाकाका साथसाथै परासी ग्रामीण क्षेत्रमा समेत निगरानी बढाएको सशस्त्र प्रहरी बल नेपालको संगठनलाई नै बदनाम गराउन सुरक्षा बेस परासीका कार्यालय प्रमुख इन्स्पेक्टर भट्टराईले तस्करहरुसँग आर्थिक लेनदेन गर्ने गरेकोे आरोप छ ।

सुरक्षा बेस परासीका कार्यालय प्रमुख इन्स्पेक्टर केशव भट्टराईको मिलेमतोमा भारतसँग सीमा जोडिएका नाकाहरुबाट अबैध तस्करी ओसारपोसार हुने गरेको छ । नवलपरासीको भारतसँग सीमा जोडिएका नाकाबाट बिभिन्न सामान सशस्त्र प्रहरीकै मिलोमतोमा ल्याउने र लैजाने गरिएको छ ।

भारतबाट इलेक्ट्रोनिक सामग्री, लत्ताकपडा, सवारी साधनका पाटपुर्जा, गाईभैंसी, खसीबोका, खाद्यान्न सामग्री, खुकुराहरु भित्र्याउने गरेको पाइन्छ । नेपालबाट केराउ, छोगडा, मरिच, अलैंची र कबाडीका समान भारततर्फ जाने गरेको पाइन्छ । यस कार्यमा बढी मात्रामा सशस्त्र प्रहरी कै मिलोमतोमा भएको छ । भन्सारछलीका सामान वारपार गराउँदा लाभ लिन पाउने भएकाले सशस्त्र प्रहरीका बीओपी र सुरक्षा बेसमा सरुवा हुन सबैभन्दा बढी चलखेल हुने गर्दछ ।

सशस्त्रका उच्च अधिकारीदेखि गृहमन्त्रालय र नेताहरुलाई प्रभावमा पारी सीमाक्षेत्रमा गराएका बीओपी र बेसका इन्स्पेक्टरहरुले त्यो लगानी उठाउनका लागि भन्सारछलीका सामान वारपार गराउन छुट दिने गरेका छन् । सीमाक्षेत्रमा तस्करी गराउनेहरुले मासिक दररेट नै बुझाउनेगरी लाइन पाउने गरेका छन् ।

सुरक्षा बेस परासीका इन्स्पेक्टर केशव भट्टराईले गेरमाका ८ जना भन्सार छलीका सामान ओसारपसार गर्ने ब्यापारीसँग मासिक दररेट तोकेर लिने गरेका छन् । एक ब्यापारीले ३० हजारका दरले तस्करीको लाइन पाएको स्रोत बताउँछ । इन्स्पेक्टरले सुनवल र भूमही खोलाबाट पनि मासिक दररेट तोकेर लिने गरेको आरोप छ ।

केही दिन पहिला इन्स्पेक्टर भट्टराईले परासीका शिवकुमारको पसलबाट आफ्नो छोराका लागि ११ हजार रुपैयाँ पर्ने साइकल मागेको अडियो नै नेपालफेसलाई प्राप्त भएको छ । बालगोविन्द रौनियार नामका ब्यापारीबाट उनले साइकल मागेका थिए । रौनियारले साइकल दिएको फोन रेकर्ड सुन्न सकिन्छ । उक्त बिल पनि नेपालफेससँग सुरक्षित रहेको छ ।

सुन्नुहोस् सशस्त्रका हाकिमले साइकल मागेको अडियो