इजरायलको हवाई आक्रमणमा २० प्यालेस्टिनीको ज्यान गयो

काठमाडौं। इजरायलले जबलियामा गरेको हवाई आक्रमणमा करिब २० प्यालेस्टिनीले ज्यान गुमाएका छन्।

गाजाको उत्तरी क्षेत्रमा भएको सो आक्रमणमा करिब १०० मानिस घाइते भएका छन्। शेहब परिवारमाथि लक्षित सो आक्रमणमा अन्य घरहरु पनि क्षतिग्रस्त भएका छन्।

गाजामा भएका ३६ अस्पतालमध्ये ११ ले सेवा प्रदान गरिरहेको विश्व स्वास्थ्य संगठन (डल्बूएचओ) ले जनाएको छ। इजरायली सेनाले गाजाको खान यूनिस र डेर अल–बलाहमा पनि हमला गरेका थिए।

रफाहको जिनेना जिल्लामा २ जना मारिएका थिए। प्यालेस्टाइनको वेस्ट बैंकस्थित तुलकरेममा भएको नुरशाम शरणार्थी शिविर लक्षित हवाई आक्रमणमा ५ प्यालेस्टिनी नागरिकको मृत्यु भएको छ।

इजरायली सेनाले प्यालेस्टिनी लडाकू भएको स्थानमा हवाई आक्रमण गरेको जनाएको छ। सो आक्रमणपश्चात इजरायेली एम्बुलेन्सलाई पनि शिविरमा प्रवेश गर्न नदिएको र एक पारामेडिकलाई पक्राउ गरेको अलजजिराले उल्लेख गरेको छ। सोलगत्तै सेनाले स्थलगत आक्रमण पनि गरेको थियो।

गाजामा भएको भिड्न्तमा २ सैनिक मारिएको इजरायली सेनाले आफ्नो जनाएको छ।