मित्रमिलन सहकारी ठगी, थप दुई जना पक्राउ

काठमाडौं । पोखराको मित्रमिलन सहकारी ठगी गरेको आरोपमा थप दुई जना पक्राउ परेका छन् । जिल्ला प्रहरी कार्यालय कास्कीले स्याङ्जाका बुद्धिसागर पौडेल र नुवाकोटका गोपाल खनाललाई पक्राउ गरेको हो ।

उनीहरू दुवैको बसोबास पोखरामा छ । यसअघि पोखरा २२ का राजु बराल पक्राउ परिसकेका छन् ।

संस्थाका अध्यक्ष र कार्यकारी प्रमुख सुरुमै पक्राउ परेर हिरासतमा छन् । बचतकर्ताको रकम फिर्ता नदिएपछि सहकारी विरुद्ध बचतकर्ताले उजुरी दिएका थिए । सोही उजुरीपछि सहकारी रजिस्ट्रारको कार्यालयले आवश्यक छानबिन सहित कारबाहीका लागि प्रहरीमा फाइल पठाएको हो ।

मित्रमिलनमा बचत गरिएको २६ करोड ८३ लाख भन्दा बढी रकम हिनामिना भएको प्रतिवेदनमा उल्लेख छ । सोही ठगी काण्डमा ३० जना विरुद्ध पक्राउ पुर्जी जारी भएको बताइएको छ ।