इन्टरपोलबाट रेड नोटिस जारी भएका फरार व्यक्ति युएईबाट पक्राउ

काठमाडौं । इन्टरपोलबाट रेड नोटिस जारी भएका फरार एक जना युएईबाट पक्राउ परेका छन् । ठगी मुद्दामा इन्टरपोलबाट रेड नोटिस जारी भई फरार रहेका उनलाई प्रहरीले जनाएको
छ ।

पक्राउ पर्नेमा सर्लाही साबिक जानकीनगर गाविस-७ का कोमल राज उपाध्याय रहेका छन् ।

एनसीबी अबुधावीको समन्वयमा दुबईको यूएईमा पक्राउ परेका उनलाई सम्बन्धित मुद्दामा कारबाही गर्ने/गराउने प्रयोजनार्थ शुक्रबार नेपाल फिर्ता ल्याइएको प्रहरीले बताएको छ ।

उपाध्याय समेत सञ्चालक रहेको त्रिनेत्र म्यानजमेन्ट कन्सल्टेन्सीले यूएईस्थित दुबईमा आर्म्स गार्ड, डिपिएस सेक्युरिटीमा आकर्षक तलब र सुविधा सहितको रोजगारी दिने प्रलोभन देखाई भिजिट भिसा मार्फत दुबई बोलाएको, रोजगारीको लागि भन्दै आफूहरूबाट रकम लिएको तर भने बमोजिम रोजगारीमा नलगाई ठगी गरेको भन्दै ५१ जना पीडितहरूले उनी विरुद्ध जाहेरी दरखास्त दिएका थिए ।