माओवादी केन्द्रले भन्यो- प्रसाईं समूहको प्रदर्शन अदिृष्य शक्तिको ट्रायल

काठमाडौं । सत्तारुढ नेकपा माओवादी केन्द्रले मेडिकल व्यावसायी दुर्गा प्रसाईंको अगुवाईमा राजधानी केन्द्रित प्रदर्शन अदृष्य शक्तिको ट्रायल भएको बताएको छ । अहिलेकै रुपमा उक्त प्रदर्शन अगाडि नबढ्ने पनि उसको बुझाइ छ ।

‘यो (प्रसाईं समूहको प्रदर्शन) फासफुस भइहाल्छ । आन्दोलनकारीहरु केही गर्नलाई आएको होइन, तत्काल केही हुनलाई भएको आन्दोलन होइन’ माओवादी केन्द्रका महासचिव देव गुरुङ भन्छन्, ‘बरु यो अर्कै शक्तिले एउटा पात्रमार्फत गराएको ट्रायल हो । एउटा हाउगुजी क्रियट गर्ने प्रयास हो ।’

सरकारले सुरक्षा सर्तकर्ता राम्रैसँग अपनाएका कारण बिहीबारको प्रदर्शनमा आयोजकहरुले चाहे जस्तो द्वन्द्व फैलाउनेतिर उद्धत हुन नपाएको उनको भनाइ छ ।

बिहीबार नेकपा एमालेको युवा संघ र विद्यार्थीहरुले पनि राजधानीमा प्रदर्शन गरेका थिए ।