डा. लोहोनी भन्छन्- दुर्गा प्रसाईको मङ्सिर ७ को प्रदर्शनलाई राप्रपाले समर्थन गर्नुपर्छ

काठमाडौँ । राष्ट्रिय प्रजातन्त्र पार्टी (राप्रपा) का नेता डा. प्रकाश चन्द्र लोहोनीले मङ्सिर ७ गते बिहीबार झापाको बिर्तामोडस्थित बीएण्डसी मेडिकल कलेजका सञ्चालक दुर्गा प्रासाईको आव्हानमा हुन लागेको प्रदर्शनलाई राप्रपाले समर्थन गर्नुपर्ने बताएका छन् ।

नेता लोहोनीले आफ्नो धारणा सार्वजनिक गर्दै राप्रपाको राजनीतिक दस्ताबेजका मूल तत्व अनुसार मङ्सिर ७ को प्रदर्शनमा राप्रपाको नैतिक सहयोग र समर्थन हुनुपर्ने बताएका हुन् ।

दुर्गा प्रसाईले मङ्सिर ७ गते काठमाडौँको माइतीघरमा राजतन्त्रको समर्थनमा प्रदर्शनको आव्हान गरेका छन् । साथै मङ्सिर ७ गते नै नेकपा एमालेको युवा संघले पनि प्रदर्शन गर्ने बताएको छ ।

लोहोनीले राप्रपा एकता महाधिबेसनबाट पारित मार्ग निर्देसन र एजेन्डा अनुकुल अगाडी बढ्न कसैले पनि गर्ने जन अभियान/जन प्रदर्सन/ संघर्षमा राप्रपा का कार्यकर्ताहरुको सहानुभूति र समर्थन हुनु स्वबाभिक हुन आउने उल्लेख गर्दै मङ्सिर ७ मा हुने भनिएको जना प्रदर्शन र जन संघर्षमा राप्रपाको नैतिक सहयोग र समर्थन रहनुपर्छ र यसमा कुनै कमजोरी देखाउनु हुदैन भन्ने आफ्नो स्पस्ट धारणा रहेको टिप्पणी गरेका छन् ।