स्याङ्जामा सामूहिक बलात्कार आरोपमा दुई जना पक्राउ

काठमाडौं । सामूहिक बलात्कार गरेको आरोपमा स्याङ्जामा दुई जना पक्राउ परेका छन् ।

३२ वर्षकी अपांगता भएकी महिलालाई सामूहिक बलात्कारको आरोपमा पुतलीबजार नगरपालिका-८ का २५ वर्षीय सुवास गुरुङ र २७ वर्षीय मदन गुरुङ पक्राउ परेका हुन् ।

जिल्ला प्रहरी कार्यालय स्याङ्जाका सूचना अधिकारी पावलसिंह लामाका अनुसार भदौ २० गते वौद्धिक अपांग भएकी ती महिलालाई आफ्नै घरमा बसिरहेको अवस्थामा सामूहिक बलात्कारमा परेकी थिइन् ।

‘जाहेरीपछि उनीहरुलाई नियन्त्रणमा लिएर जबरजस्ती करणी मुद्दामा अनुसन्धान भइरहेको छ’, उनले भने ।

उनीहरुलाई हिरासतमा राखेर अनुसन्धान गर्न हिजो नै जिल्ला अदालत स्याङ्जाबाट अनुमति लिएको प्रहरीको भनाइ छ ।