एलओडी प्रकरणमा दुई कर्मचारीलाई धरौटीमा छाड्न आदेश

काठमाडौं । ठमेलस्थित लर्ड अफ ड्रिङ्समा नाबालिगलाई प्रवेश दिएको प्रकरणमा पक्राउ परेका दुई कर्मचारीलाई धरौटीमा छाड्न अदालतले आदेश दिएको छ । काठमाडौं जिल्ला अदालतका न्यायाधीश राजेन्द्रकुमार श्रेष्ठको इजलासले उनलाई एक लाख धरौटीमा छाड्न आदेश दिएका हो ।

जिल्ला प्रहरी परिसर, ललितपुरले गरेको जबरजस्ती करणी सम्बन्धी एउटा अनुसन्धानका क्रममा एलओडीमा नाबालिगलाई प्रवेश गराएको खुलेको थियो । त्यसपछि दुई सञ्चालकलाई पक्राउ गरेर ललितपुर प्रहरीले काठमाडौं प्रहरीलाई जिम्मा लगाएको थियो ।

काठमाडौं प्रहरीले अनुसन्धानका क्रममा क्लबका फ्रन्ट अफिस म्यानेजर सहदेव सेढाई र कर्मचारी सपना ढुंगानालाई पनि पक्राउ गरेको थियो । उनीहरुलाई अदालतले बुधबार धरौटीमा छाड्ने आदेश दिएको हो ।