त्रिभुवन अन्तर्राष्ट्रिय विमानस्थलबाट ९० किलोभन्दा बढी सुन बरामद

काठमाडौं । त्रिभुवन अन्तर्राष्ट्रिय विमानस्थलबाट हालसम्मकै ठूलो परिमाणमा सुन बरामद भएको छ । राजस्व अनुसन्धान विभागको टोलीले विमानस्थलबाट करिब ९० किलोभन्दा धेरै सुन बरामद गरेको हो ।

राजस्व अनुसन्धान विभागका अधिकारीहरुका अनुसार ९० किलोभन्दा धेरै सुन बदामद भएको छ । अपरेसन जारी रहेकाले सुन अझै धेरै हुनसक्ने विभागको अनुमान छ । राजस्वले बुधबार राति बरामद गरिएको सुन अहिलेसम्मकै ठूलो परिणामको सुन रहेको अनुमान गरिएको छ ।

विमानस्थलबाट सामान जाँचपास गरेर भन्सार हाताबाट बाहिर ल्याउँदै गरेको अवस्थामा एक भन्सार एजेन्ट र ट्याक्सी चालकसहित सुन बरामद गरिएको हो ।

स्कुटरको पार्ट घोषणा गरेर सुन ल्याएको प्रारम्भिक अनुसन्धानबाट खुलेको विभागका राजस्व अनुसन्धान विभागका एक अधिकारीले बताएका छन् ।