यसकारण गरेन सरकारले थप १५ दिन लकडाउन

काठमाडौं । मन्त्रिपरिषदको आइतबार साँझ बसेको बैठकले लकडाउनको अवधि ७ दिन थप्ने निर्णय गरेको छ । अब चैत २५ गतेसम्म लकडाउनको अवधि थप भएको छ । यसअघि चैत ११ देखि १८ गतेसम्म लकडाउन घोषणा गरिएको थियो । 

आइतबार दिउँसो उपप्रधानमन्त्री इश्वर पोखरेलको अध्यक्षतामा बसेको कोरोना संक्रमण रोकथाम तथा नियन्त्रण उच्चस्तरीय समन्वय समितिको बैठकले लकडाउनको अवधि १५ दिन थप्न सरकारलाई सिफारिस गरेको थियो । तर मन्त्रिपरिषद बैठकले जनतामा थप मानसिक तनाव नहोस् र दैनिक उपभोग्य बस्तुको अभाव नहोस् भनेर ७ दिनमात्र थप गरेको छ ।

दैनिक उपभोग्य बस्तुको कालोबजारी हुनसक्ने कुरालाई पनि सरकारले मध्यनजर राखी ७ दिनमात्र थप गरेको बताइएको छ । कोरानाको महामारीको विश्व परिस्थिति मूल्याकंन गर्न र भारतको अवस्था समेत हेरी सरकारले ७ दिनमात्र थप गर्ने निर्णय गरेको छ । 

मन्त्रिपरिषद बैठकमा १५ दिन थप गर्ने छलफल पनि भएको थियो । तर  पुनः परिस्थिति हेरी निर्णय गर्नेगरी ७ दिनमात्र थप गरेको छ ।