पुर्व स्वास्थ्य राज्य मन्त्री नै सरकारको विरुद्धमा 

सिन्धुपाल्चोक । विश्वभर कोभीड – १९ कोरोना भाईरसको महामारी फैलिएपछि नेपाल सरकारले यसको नियन्त्रण र रोकथाको लागि देश पुर्ण लगडाउन घोषणा गरेको छ । तर सिन्धुपाल्चोमा भने पुर्व स्वास्थ्य राज्य मन्त्री तथा पुर्व सूचना तथा संञ्चार मन्त्री समेत रहेका मोहनवहादुर वस्नेतले भने राहत बितरणको नाममा अनावश्यक हुल जम्मा गर्ने काम गरिरहेका छन् ।

शनिवार वस्नेतले ठूलो सङ्ख्यामा कार्यकर्ता सहितको टोली लिएर सडक मजदुरलाई राहत भन्दै केही चामल, नुन लिएर लगडाउनको उल्लङ्घन गरेका छन् । यसअघि दुई पटक ठूलो कार्यकर्ताको हुल सहित सूनकोशी गाँउपालिकामा वस्नेत पुगेका थिए ।

वस्नेतको टोलीले गरेको गतिविधीमा स्थानियले आपत्ति जनाएका छन् । सामाजिक संञ्जालमा सुरक्षित हुन सरकारले चालेको सकारात्मक कदमको वस्नेतले ठाडो उल्लङ्घन गरेको कतिपयले उल्लेख गरेका छन् ।

जिल्लाका प्रमुख जिल्ला अधिकारी उमेश कुमार ढकालले असुरक्षित  आवागमन तथा हुलहुज्जत गर्न नपाइने उल्लेख गरे । उनले जिल्ला विपद् व्यवस्थापन समितिले एकद्धार नीतिवाट राहत सहयोग गर्ने निर्णय भैसकेको जनाए । सरकारको नीति विरुद्धको काम कतै पाईएमा कारवाही गरिने उनको भनाई छ ।