काठमाडौं, १६ चैत । कोरोना भाइरसकको महामारी रोक्नका लागि सरकारले लकडाउनलाई थप कडाइ गर्दै लगेको छ । आइतबार मात्र लकडाउन उल्लंघन गरेको आरोपमा काठमाडौं उपत्यकाका विभिन्न स्थानबाट ६ सय १७ जना पक्राउ परेका छन् ।
पक्राउ पर्नेमा ५ सय १२ पुरुष र १ सय ५ जना महिला रहेका छन् । बिहान साढे ७ बजेसम्ममै यति ठूलो संख्यामा पक्राउ परेका हृुन् ।
अत्यावश्यक काम बिना सडकमा निस्किएका उनीहरुलाई पक्राउ गरिएको महानगरीय प्रहरी कार्यालय रानीपोखरीले जनाएको छ । यस्तै १ सय १ सवारी साधन पनि प्रहरीले नियन्त्रणमा लिएको छ ।
नेपाल प्रहरीले लकडाउन उल्लंघन गर्नेलाई अब २ घन्टा सडकमा उभ्याउने भएको छ । अबदेखि विनाकारण सडकमा निस्कनेलाई पक्राउ गरी २ घन्टा उभ्याउने महानगरीय प्रहरी आयुक्त कार्यालयले जनाएको छ ।
