कोशी प्रदेश : बाहिर आन्दोलन र झडप, भित्र संसद बैठक

विराटनगर । कोशी प्रदेशस सभाको बजेट अधिवेशनको पहिलो बैठक सुरु भएको छ । तर, कोशी प्रदेशसभा बैठक चलिरहँदा बाहिर सडकमा भने प्रदर्शन जारी छ

प्रदेशको नामाकरणपछि असन्तुष्ट समूहसँग तत्काल वार्ता गरी समस्या समाधान गर्न बैठकको शून्य समयमा बोल्ने सांसदहरुले सरकारलाई आग्रह गरेका छन् ।

प्रदेशसभा भवन बाहिर भने कोशी प्रदेशको विरोधमा उत्रिएका पहिचान पक्षधरका कार्यकर्ता र प्रहरीबीच झडप भइरहेको छ । पहिचानवादीको उक्त आन्दोलनमा झडप हुँदा आधा दर्जन बढी प्रहरी र आन्दोलनकारी घाइते भएका छन् । प्रदर्शनकारीले प्रहरीमाथि ढुंगामुढा प्रहार गरेका छन् ।

प्रहरीले प्रदर्शनकारीमाथि अश्रुग्यास पानीको फोहोरा प्रहार गरेको छ । प्रदर्शनकारीमाथि प्रहरीले लाठीचार्ज पनि गरेको छ ।

प्रहरी र प्रदर्शनकारीबीचको झडपका कारण विराटनगरको देवकोटा चोक र आसपासको क्षेत्र दिउँसो १ बजेदेखि तनावग्रस्त बनेको छ ।