कोशी प्रदेशको मन्त्रीपरिषद बिस्तार र कार्यबिभाजन, कुन कुन मन्त्रालय कस कसले पाए ?

काठमाडौं । कोशी प्रदेशका मुख्यमन्त्री हिक्मत कार्कीले मन्त्रीमण्डल बिस्तार गरी १० सदस्यीय बनाएका छन् । जसमा २ राज्यमन्त्री छन् । दलहरुबीच भागबण्डा मिलेपछि मन्त्रीपरिषद बिस्तार गरेका छन् । एमालेबाट मुख्यमन्त्रीसहित ६ जना र माओवादीका ४ जना मन्त्री भएका छन् ।

मुख्यमन्त्री कार्कीले कृषि, उद्योेग तथा सहकारी मन्त्रालय आफैंसँग राखेका छन् ।

कार्यबिभाजनमा आर्थिक मामिला तथा योजना मन्त्रालयको जिम्मा रामबहादुर मगरले पाएका छन् । राजेन्द्र कार्कीले स्वास्थ्य मन्त्रालय, पाँचकर्ण राई सामाजिक विकास मन्त्रालय र एकराज कार्कीले उर्जा, सिंचाइ तथा खानेपानी मन्त्रालयको जिम्मा पाएका छन् ।

त्यसैगरी भौतिक पूर्वाधार बिकास मन्त्रालयको जिम्मा गणेश उप्रेती, पर्यटन, वन तथा वातावरण मन्त्रालय नारायणबहादुर मगर, आन्तरिक मामिला तथा कानुन मन्त्रालय लिलाबल्लभ अधिकारी, सृजना राई राज्यमन्त्री छन् । बन्दना झागर राज्यमन्त्री, पर्यटन, वन तथा वातावरण मन्त्रालय छन् ।