एसपीको मन क्रसरतिर, १४ वटा ट्रक रोकिए

तनहुँ । अवकाशको मुखमा कार्यालय प्रमुख जस्तो महत्वपूर्ण जिम्मेवारी दिनु नहुने मान्यता निजामतीेदेखि प्रहरी प्रशासनमा ब्याप्त छ ।

त्यस्तो मान्यताबिपरीत नेपाल प्रहरीका एसपी अवधेश बिष्ट जिल्ला प्रहरी कार्यालय तनहुँको इन्चार्ज छन् । उनको अवकाश हुन एक बर्ष पनि बाँकी छैन । अवकाशको सम्मुखमा जिल्लाको इन्चार्ज हुने मौका पाएका उनले त्यसलाई अतिरिक्त कमाइका लागि प्रयोग गर्ने गरेको आरोप छ ।

तनहुँमा संचालित क्रसर उद्योगबाट ढुंगा गिटी बोकेर गएका १४ वटा ट्रिफर उनले सोमबार दुलेगौंडामा नियन्त्रणमा लिएका छन् । गिटी बालुवा बोकेका ती टिफरले भ्याट र निकासी कर तिरेको भए पनि एसपी बिष्टको निर्देशनमा रोकिएको छ ।

क्रसर अबैध रुपमा संचालित भए प्रहरीले सरोकारवाला निकायको सिफारिसमा बन्द गराउनसक्छ । तर भ्याट र निकासी कर बैधानिक रुपमा संचालन भएका टिफर रोक्ने एसपीको कार्यलाई असुलीका लागि गरिएको आरोप लागेको छ ।

नेपाल प्रेस युनियन तनहुँका उपाध्यक्ष तथा पत्रकार प्रकाश अधिकारीले लेखेका छन्–‘तनहुँका एसपीको ठाडो निर्देशनमा भ्याटबिल र निकासी कर तिरेका १४ वटा भन्दा बढी ट्रिफरलाई दुलेगौंडामा नियन्त्रणमा लिइएको छ । क्रसर ब्यवसायीले एसपीलाई बिगतमा भएको जस्तै…घन्टे लगाउलान् जस्तो छ ।’

क्रसर ब्यवसायीले नियसंगत काम गर्दा समेत दुःख दिएको गुनासो गरेका छन्