महेश बस्नेतलाई खुल्लापत्र

कम्रेड महेश !

हामीलाई थाहा छ तपाई आफू धरापमा पर्दा हाम्रै सहायताले उद्गार खोज्ने र सन्तुलनमा आएपछि अन्धाले झैं चारैतिर बराबर देख्ने र आफू उत्कर्षमा पुगेपछि युवासंघको कमिटीलाई पंगु बनाउँदाको परिणाम १०–११ बर्षसम्म किन महाधिवेशन गराउन सक्नुभएन ? आज इतिहास साक्षी छ । आज आफ्नो अभिष्ट पूरा नहुने भएपछि आफ्नै कार्यकर्ताप्रति कटाक्ष गर्ने तेजोबध गर्ने र भावनात्मक (Emotional blackmail)  कुरा गरेर कार्यकर्ताहरुको गुमेको समर्थन बटुल्ने प्रतिस्पर्धामा उत्रिनु आज तपाईंको दिनचर्या बनेको छ ।

काँक्रा चोरेर आफू खाने बियाँ टाँस्ने अरुकोमा ? यस्तो कृत्य न न्यायसंगत छ न त तर्कसंगत नै । अझै पनि हामी युवाहरु छाला जोगाउने कमजोरीले ग्रस्त र आत्मसुरक्षाको भावनाले थलिएका छैनौं ‘ हामी जबज रक्षक बटालियनका इमानदार सिपाही हौं । नेपालगन्जमा सचेत युवाहरुको महाधिवेशन मार्फत् प्रकट भएको युवा लहरले तपाईंलाई अत्यासलाग्दो भएको हो कम्रेड !! के अब पनि हिजोको जस्तो दर्ता चलानीको युग ठान्नु भएको छ । त्यसो भए तपाई भ्रममा हुनुहुन्छ ।

माफ गर्नु होला कम्रेड ! तपार्ईंको दासत्वो स्वीकारिंदैन । हामी हाम्रा सचेत र इमान्दार प्रतिनिधिहरुको बिश्वास र पूर्ण भरोसामा छौं ।

युवासंघलाई विचारको बाघ बनाउने कि अराजकताको कुहिरोमा हराएको काग ? अब बल आम युवासंघका प्रतिनिधिहरुको काँधमा आइपुगेको छ । संगठनलाई महाधिवेशनको यो बिन्दुमा पुर्याउन पनि युवासंघका धेरै होनहार युवा नेताहरूले आफ्नो राजनीतिक जीवनलाई कत्लेआम गराएका छन् ।

यो खुल्लापत्र युवासंघका एक महाधिवेशन प्रतिनिधिले लेखेका हुन् । उनकै आग्रहमा नाम गोप्य राखिएको छ ।