विश्वकप लिग–२ : पिएनजीविरुद्ध आसिफको उत्कृष्ट अर्धशतक

काठमाडौं। आईसीसी विश्वकप लिग टू अन्तर्गतको अन्तिम त्रिकोणात्मक सिरिज अन्तर्गत आज नेपाल र पपुवा न्यु गिनी (पिएनजी)बीचको खेल जारी छ।

कीर्तिपुरस्थित टियू क्रिकेट मैदानमा जारी उक्त खेलमा नेपालका ओपनर आसिफ शेखले पपुवा न्यूगिनी पिएनजीविरुद्ध शानदार शतक प्रहार गरेका छन् । आसिफको करिअरकै यो पहिलो शतक हो ।

बिहीबारको खेलमा टस हारेर पहिला ब्याटिङ गरेको नेपालका लागि आसिफले १ सय १ बलमा १० चौका तथा २ छक्काको सहयोगमा एक सय रन पुरा गरेका हुन् ।

आसिफले पहिलो विकेटका लागि कुशल भुर्तेलसँग ११० रनको साझेदारी गरेका थिए भने शतक पुरा गर्दा कप्तान रोहित पौडेलसँग ५० रनको साझेदारी गरेका छन् ।

यसैगरी एक दिवसीय करियरको पहिलो शतक प्रहार गरेसँगै आसिफ नेपालका लागि वनडे इन्टरनेशनलमा शतक बनाउने पाँचौँ खेलाडी बनेका छन् ।

नेपालका कुशल भुर्तेल, दीपेन्द्रसिंह ऐरी, रोहित पौडेल र पारस खड्काले यसअघि वनडे इन्टरनेशनलमा शतक बनाइसकेका छन् ।

ताजा अवस्थामा नेपालले ३६ ओभरको खेलमा तीन विकेट गुमाएर १८३ रन बनाएको छ ।