आज बिहानैदेखि काठमाडौंमा हल्का वर्षा

काठमाडौँ। काठमाडौं उपत्यकासहित देशभरका पहाडी भूभागमा अहिले सामान्य वर्षा भइरहेको छ । आज बुधबार बिहानैबाट काठमाडौंसहित देशभरका पहाडी भूभागमा हल्का वर्षा भइरहँदा जनजीवन सामान्य प्रभावित बनेको हो ।

पश्चिमी वायुको सामान्य प्रभावका कारण वर्षा भएको हो । हाल सुदूरपश्चिम प्रदेश, कर्णाली प्रदेश, लुम्बिनी प्रदेश र गण्डकी प्रदेश लगायत देशको पहाडी भू–भागमा आंशिकदेखि सामान्य बदली रही बाँकी भू–भागमा मौसम सामान्यतया सफा रहेको जल तथा मौसम विज्ञान विभागले जनाएको छ ।

आज दिउँसो देशका पहाडी भू–भागमा आंशिकदेखि सामान्य बदली रही बाँकी भू–भागमा आंशिक बदलीदेखि मौसम सामान्यतया सफा रहनेछ ।

देशका पहाडी भू–भागका थोरै स्थानहरुमा मेघ गर्जन/चट्याङसहित हल्कादेखि मध्यम वर्षाको सम्भावना रहेको छ ।

आज वर्षाका कारण जनजीवन प्रभावित हुनुका साथै मौसम सफा नहुँदा धुम्म रहँदा आन्तरिक उडानसमेत प्रभावित बनेको छ ।